ازاي متبقاش نرم فى السوشيال ميديا
فى هذه المقالة هقولك ازاي متبقاش نرم, وهقولك علي الحاجات الي بتخليك نرم بحيث انك متعملهاش وازاي ترد علي الاشخاص الي بتقولك انك نرم.
فى البداية علشان تفهم معني كلمة نرم بطريقة مختصرة هو الشخص السطحي القديم الي بيتكلم فى حاجات مملة ومبيفهمش الايفهات او الميمز الجديدة, بمعني اخر مبيفهمهاش وهي طايرة لانه مش مواكب العصر.
فعلشان متبقاش نرم لازم تواكب العصر الي احنا فيه وتعرف كل حاجه جديدة خصوصاً الكوميكس والميمز ودي هتلاقيها في صفحات الفيس بوك وتويتر.
والنصائح التانية علشان متبقاش نرم انك متنشرش كوميكس قديمة من زمان ولا تنشر الصور الي عليها ورود ومكتوب عليها مساء الخير والصور القديمة بتاعت زمان اول مالفيس بوك اتعمل زي صور الفنانين وعليها كلام ولا تدخل علي جروب وتكتب شكرا لانك قبلتم طلب انضمامي اليكم, ولما بنت تقبل طلب الصداقة متدخلش تكتبلها شكرا علي قبول طلب الصداقة , او تدخل تكلمها وتقولها ممكن نتعرف.
وبالنسبة للامهات علشان متبقيش نرمه بلاش تدخلي تشيري صور الحصان براس بطة وتكتبي سبحان الله علشان الصور دي فوتوشوب مش حقيقة وفيك .
وبالنسبة للشباب لو انت لسه جديد في السوشيال ميديا مثلا وحد قالك في كومنت انت نرم. قوله ءك سحب. ودي معناها اوك ياصاحب ودي لغة اسمها لغة الدولن ممكن تتعلمها برضو اغلب الشباب بيكتبوها علي الفيس بوك ودي بتبين انك مش نرم.
