سفر وسياحة
ما هو الفرق بين القهوة الإيطالية الإسبريسو والقهوة التركى
- الفرق بين القهوة الإسبريسو والقهوة التركى
١- القهوة التركي🇹🇷 إتسمّت كده نسبة للدولة اللي نشرتها لكن هي ف الاصل عربية يمنية وهي اول مرة يتم تناولها كمشروب منبه😲. - ٢- قهوة الاسبريسو اللي طورها هما الإيطاليين بهدف🇮🇹 شربها متصفية.
- ٣- القهوة التركي بتتسوي بسكر، اما الاسبريسو بيتقدم بدون وبيتم اضافة سكرها بعد إعدادها حسب الرغبة.
- ٤- القهوة التركي لا تقبل الاضافات الا الحليب او بعض التوابل كالهيل ( الحبهان )، اما الاسبريسو يقبل كل الاضافات وبتخلق مشروب جديد ، لو لبن كتير يبقي لاتيه ، لو لبن قليل فوم كتير يبقي كابوتشينو، لو ميه يبقي امريكانو، لو صوص شوكليت ولبن يبقي موكا وهكذا…..
- ٥- القهوة التركي ادوات اعدادها بسيطة وهي كنكة وحرارة من خلال رمالة /بلاطة / سبرتاية
اما الاسبريسو لازمه ماكينة مكلفة او جهاز الموكا بوت هو البديل الوحيد . - ٦- وقت⏳ إعداد التركي متوسطه من ٥ الي ٧ دقايق لضمان التسوية الصح وبردو حسب الحرارة المستخدمة، اما الاسبريسو من ٢٠ الي ٣٠ ثانية.
- ٧- طحن التركي انعم بكتير من الاسبرسو.
- ٨- القهوة التركي يخلفها رواسب لكن الإسبريسو مصفي بدون رواسب لذلك يقبل الإضافات.
- ٩- القهوة التركي معظم حبوبها اقل جودة 👎ويمكن اخفائها بطحنها ، اما الاسبريسو حبوبه اعلي جودة👍 .
- ١٠- علامات جودة القهوة التركي علي الترتيب اولاً القوام والوش والطعم ثم المرارة التي يمكن تفاديها بإضافة السكر، اما الاسبريسو الترتيب كالآتي اولاً الطعم الكريمة القوام وقلة المرارة التي لايمكن تفاديها لان معظم شاربيه يعشقونه بدون سكر.
- ١١- القهوة التركي لازم تبرد شوية علشان تتشرب لان حرارتها بتصل للغليان🌡، اما الإسبريسو بيتشرب فور تقديمه لان حرارته عند التقديم = من ٦٨ الي ٧٥ درجة سليزية تقريباً ده غير كميته القليلة اللي هاتبرد بسرعة.
شاهد أيضاً
اليوم تم افتتاح المعرض العالمى فى بولونيا للسيراميك و البورسلين وأثاث الحمام ، وإيطاليا فى …
هل حلمت يوماُ بإمتلاك سكناً مجانيا فى إحدى الدول ! حسناً هل فكرت يوماً بأن …
